منگلورو،10؍ جنوری (ایس او نیوز) کنکناڈی میں واقع ایل جی الیکٹرانک ساز و سامان کے شو روم میں آگ لگنے سے لاکھوں روپے مالیت کا مال جل کر خاکستر ہوا۔
ذرائع سے ملی اطلاع کے مطابق شوروم میں آگ بھڑکنے کا معاملہ آج صبح 8 بجے کے قریب پیش آیا ۔ اطلاع ملتے ہی پانڈیشور فائر بریگیڈ اسٹیشن سے افسران اور عملہ نے موقع پر پہنچ کر آگ بجھائی ۔ مگر تب تک دکان میں موجود بہت ساری چیزیں جل کر بھسم ہوچکی تھیں ۔ آتشزدگی کی وجوہات کے بارے میں کوئی مصدقہ بات تا حال سامنے نہیں آئی ہے۔